北海道遊記 (二)

6月25日 (札幌)
今朝早7:00am起身, 7:30am就同團友V一齊去 Nissan Car Rental, Sapporo North Exit Shop去攞車.

我地book咗架Windguard,原本6日連埋係函館還車嘅surcharge (7350yen),同埋基本嘅保險,都係 37590yen. 點知去到佢又sell我地買extend coverage嘅保險, 主要係有意外會陪多啲. 由於我係第一次喺日本揸車,而且又未用過GPS,我都有啲擔心架, 所以最後都係買埋個extend coverage保險, 埋單成44000yen.

俾錢之後, Nissan嘅職員就教我地個GPS嘅操作方法,仲幫我地set埋Sapporo Prince做目的地,方便我地返酒店. 就係咁,我就第一次由GPS帶路,順利返到酒店. 滿心歡喜以為今次揸車應該冇問題啦, 後來先知自己太天真啦...

返到酒店,會合Joanne去食早餐. 個cafe環境唔錯,食物亦OK.

飽餐之後就出發去今次旅程嘅第一個景點 -- 札幌電視塔. 諗住喺GPS入個電話去search啦, search唔到!!! 我又揾唔到佢個mapcode, 咁點算? 好在之前搭的士去Nissan嘅時候大約認到大通公園嘅方向, 個電視塔就應該喺大通公園嘅最前面, 好! 唔靠GPS,自己去. 結果都去到,好彩啫.

去到售票處,諗住買連埋時計台嘅入場券啦,點知個靚女售票員做咗個交叉手勢,話"closed". 我地即刻"O"哂咀，　唔係咁好彩呀？
正當我地想離開，我見到有幾ｐａｉｒ日本公公婆婆買到入場券，仲搭埋ｌｉｆｔ上去．又話ｃｌｏｓｅｄ嘅？

於是我再去問下啦，原本只係時計台”ｃｌｏｓｅｄ”，所以冇得賣可以入哂兩個景點嘅入場券．札幌電視塔仲有開，我地當然即刻上去參觀啦．

喺塔上面，影返落去大通公園好靚．



每個景點都唔少得記念品．



部ｌｉｆｔ裝飾得幾靚．


係電視塔返落黎，當然係去大通公園啦．


除咗好靚花草，仲有大通公園名物－－燒粟米．


行完大通公園，我地就係電視塔下面個地下街ｓｈｏｐｐｉｎｇ一陣．入面居然養咗啲雀仔．



趁其他團友仲ｓｈｏｐｐｉｎｇ緊，我就返去架車度，再玩下個GPS，依然係用電話ｓｅｒａｃｈ唔到下個景點　－－白之戀人Park.　結果，我用ｓｅａｒｃｈ景點嘅ｆｕｎｃｔｉｏｎ，ｓｅｔ到白之戀人Park啦．影埋呢幾張相，團友就返到啦．我地亦出發去白之戀人Park啦．



GPS亦都帶我地去到白之戀人Park，但係點解個停車場咁細，咁ｒａｗ嘅？是但啦，有得泊就泊啦．

入到白之戀人Park，我地第一時間去幫襯嘅係．．．

靚靚ｔｏｉｌｅｔ！

入白之戀人Park係唔使錢嘅，咁我地當然係不停參觀，影相．



之後就係今日嘅ｌｕｎｃｈ－－菓子ｂｕｆｆｅｔ啦．１５００Ｙen, 90分鐘任食. 我地一次過拎哂所有款式先至慢慢嘆.






連隻碟同紙巾都有兩隻貓嘅商標,好靚.



仲有Harry Potter嘅魔法書.


食完出返去花園再影過,撞啱有公仔表演.


臨走先知原本白之戀人Park個停車場係度, 咁之前我地泊嗰個係?



都係拿拿聲返去攞車啦,點之我又掛住影相,又遇到第二個爛玩精,仲不停咀我呀.




上車前影多張先. 我諗個度係當地residential嘅停車場,總之冇人complaint就算啦. 出發去Sappora Factory啦.


Sapporo Factory其實係由原來嘅啤酒廠改建而成嘅shopping mall. 有4個不同嘅館, 入面都幾靚幾好行,不過我地冇乜收穫.



行咗一個鐘頭到我地就去咗狸小路買手信, 我地去咗狸屋,我入咗唔少六花亭朱古力. 將啲手信放係車之後, 我地就去dinner啦.

原本想去蝦蟹合戰姊妹店4-2店,點不知去到先發現已經結業,唔係好多人幫襯嘅咩?

冇得食蟹放題,各團友依然想食蟹, 所以就去咗喺街口嘅蟹將軍. 好多人呀, 要等位. 咁就睇下記念品先啦.


我地有位啦, 知客姐姐帶我地去咗一間四人和室. 我地原本想叫幾個唔同嘅餐黎share,可以試多幾款. 點知有個餐係lunch set, 3:00pm之前先有嘅. 結果係...我地每人一個5000yen嘅set. 叫咗之後就好興奮,之後先識後悔...

啲嘢食好好味, 團友M平日對食物要求好高嘅, 今餐都只係掛住食,一啲聲都冇. 唯一可以挑剔就係片蜜瓜唔係想像中咁好食.



至於點解會後悔? 因為個set原來好多嘢食,一個人係好難完全食哂,但由於太好味嘅關係,我地係將所有嘢清哂,所以大家最後都係既滿足又辛苦咁走.

之後連Lawson都唔去,返酒店嘆個溫泉再訓啦.第二日又係要早起,因為有程長途車.