今朝早5:40am就起身, 梳洗之後,大約6:30am就同Joanne一齊出門口去搭機場巴士. 兩個人,每人拉住一個"喼",大熱天時,行到去巴士站已經身水身汗. 好在巴士好快到, 上咗車有冷氣,加上去旅行嘅興奮,個人好快唔記得辛苦啦.
大約7:30到就到達機場,團友M同團友V已經到咗. ANA個check-in counter冇乜人, 好快趣就check-in完. 諗住去食個早餐啦, 點知原來Joanne唔記得買旅遊保險(我當然係未買,因為Joanne話佢會同佢個保險agent買哂我地兩個嘅保險...), 而團友M同團友V亦冇買到,所以我地就搵地方買返啦. 原本諗住用機場啲電話terminal上網同HSBC買啦, 點不知有error,個website down咗,買唔到. 結果搵咗一輪, 原來係找換店有terminal可以買到旅遊保險,唔記得係邊間,總之買咗啦, 不過就好似貴過HSBC個網上promotion offer.
之後就係買雜誌,過custom, 就去咗food court食早餐. 我一定食BurgerKing, 因為平時冇得食, 其他團友就大家樂. 食完早餐,去到broading gate, hea咗一陣就可以上機.
好耐冇搭過ANA機, 原來而家機上面嘅movie已經係on demand. 唔使限時限刻,所以我睇咗一套半movie.
唔少得嘅就係個餐啦,掛住食,冇影相.
到咗成田機場,指定動作--快步"行"去custom, 好在冇乜人排隊, 唔使10分鐘就過到關. 係就快到我個時,已經好多人排哂係後面. 行遲啲都要用多20-30分鐘. 拎咗行李, 出咗arrival hall, 就即刻將啲行李拎去check-in內陸機, 冇哂行李嘅負擔, 就開始成個日本團嘅第一次shopping啦.
成田機場而家有好多shops, 要消費,呀,唔係,係消磨等transfer機呢兩個幾鐘一啲問題都冇. 行咗一陣, Joanne就話肚餓,仲係餓到唔等得個隻, 於是我地就"中"咗入我地遇到嘅第一間食店. 好不幸, 呢一間係我係日本食過最唔好食嘅一間. 呢間食店係賣拉麵嘅, 麵唔好食,服務亦差. 個店長好似唔係好想招呼我地咁. 我亦都冇影相,求其食完就走啦. 團友繼續shopping,
我就去咗影飛機.
終於上咗內陸機啦. 我同Joanne換咗個窗口位,影咗唔少相.
去到札幌已經係晚上8點幾,攞埋行李就即刻去買巴士飛, 快快行去巴士站, 好在追到,唔使送車尾. 係巴士上面見到日本人用手機睇數碼電視,好清架!
揀搭巴士係因為可以直到我地住嘅Sapporo Prince Hotel, 唔使拎住行李係札幌轉車. 因為係第一次去札幌, 唔識路,所以轉車可免則免啦. 點知原來Sapporo Prince Hotel係最後一站, 成程車用咗成個幾鐘! 到達酒店已經接近10:30pm啦.
Check-in完,放低行李就出發去搵食啦.
我地由酒店行去薄野(すすきの),途中經過狸小路, 不過啲店舖都已經關門大吉, 明天請早. 去到薄野,原來大部份嘅食店都係營業到11:00pm,所以我地入到去都係俾人禮貌地請返出去. 結果我地搵到一間係地下B1嘅炭火燒居酒屋, 營業到2:00am. 好!一於試下呢間啦. 雖然唔係香港人常去嘅地方, 但係食物絕對有水準.
食完一餐美味嘅晚餐, 我地就行返酒店. 係狸小路見到唔少夜鬼,醉貓, 仲有就係呢個可愛嘅爛玩精. 我地同佢玩咗好耐. 佢好癲架.
沒有留言:
發佈留言