先講清楚, Joanne原本係去嘅,不過因為唔舒服,所以先冇一齊去啫.
故事係咁嘅: 話說大半年前, 蓉蓉有一次同BB打交, 咬到BB耳仔流哂血. 之後BB好唔開心. 咁啱Grandma黎咗, 佢就話帶BB返佢度住幾日,度下假,等佢開心返.
一個星期之後,我地諗住去接返BB,所以帶埋蓉蓉一齊搭巴士去接BB. 因為其實狗仔係唔可以搭巴士(都唔知而家啲例點解仲咁落後), 所以我地上咗巴士就即刻上咗上層, 坐係尾二個排. 冇幾耐之後,有一班後生仔上咗車,仲坐係我地附近.
因為我地放咗蓉蓉出袋, 佢又坐唔定,所以好快就俾班後生仔女發現咗. 蓉蓉當然大受歡迎, 一班後生仔女不停同蓉蓉玩. 佢地入面有一個見我打緊PSP,就係袋入面拎咗部PSP出黎,原來佢又係玩緊MGS Portable 2, 之後我地仲一齊link play咗幾局. 之後我地仲交換咗email.
我地一直都有keep住email來往, 最近佢invite我去佢嘅wedding. 我當然出席啦, 我地係因為蓉蓉而認識,所以我就帶埋蓉蓉一齊去啦. 蓉蓉亦再次成為全場嘅焦點.
4 則留言:
hi..guyver,
好耐冇見la,蓉蓉乖o米得人鍾意囉!呢個時節去北海道好玩嗎?
我都好耐冇見蓉蓉,搵出來玩呀,我昨日同dick,edith入左petworld玩呀!
Alan,
呢個時節去北海道可以睇花,好靚架。我地自己揸車，好舒服,好好玩。
你地幾時再去游水，就早啲通知我地，等我地都join你地一齊去玩啦。
咁你哋有冇興趣去海灘玩呢?6月尾我哋去過白腊呀
Pal,
有興趣呀! 記住叫埋我地呀.
發佈留言