6月28日 (小樽, 登別)
朝早醒來, 梳洗完畢, 大伙兒就check-out啦. 我地將行李放落車,見酒店parking冇乜車,就決定繼續泊架車係度,行路去玩喇.
行咗冇幾耐,就見到呢一串掛係河上面嘅風鈴.
一路上都有唔少工藝店,好似呢間係賣木制手工藝品.
由於未食早餐,大家都有啲餓啦,於是就入咗呢度食早餐.
我地每人要咗個拉麵,再share一份燒帶子.
食完早餐,我地繼續shopping. 我地當然有行小樽好出名嘅北一硝子啦. 係北一硝子見學睇住一件玻璃飾物係點樣造出黎嘅,真係好哂心機,時間, 難怪價錢咁高啦.
之後就去咗一間專賣動物公仔音樂盒嘅店舖, 入面有好多有趣嘅音樂盒,我地就買咗呢隻狐狸仔, 係 Beauty and the Breast 音樂. 係俾錢時,排哂大隊,唔係因為多人買嘢,而係前面嘅香港人家庭好煩,一陣又要一隻公仔都pack箱, 一陣又要討論俾card好定俾cash好, 買個幾千yen嘢係cashier哂成大半個鐘, 最慘係哂埋我啲時間呀!
俾完錢啦, 就繼續參觀shopping.
之後就去咗銀之鐘一号館食個 tea set. 上到二樓,點解咁嘈嘅? 原來有一團中國旅客係度. 我地就拿拿聲上三樓, 好在三棲冇其他人係度,我地先可以安寧地享受一個tea.
個 tea set其實冇乜特別,只係一杯飲料(可以refill一次)加一件細細嘅cake. 醉翁之意不在酒,在於呢啲 Hello Kitty杯啫.
食完tea之後,繼續行童話十字路其他店舖,包括北菓樓,六花亭.
係呢度終於食度出名嘅夕張蜜瓜,好好味. 比係富田農場食嘅富良野蜜瓜仲甜.
行下又見到石造嘅麵包超人同細菌小子
行下行下又見到呢條我地叫"古裝街"嘅小樽出世前廣場, 入面放咗好多小樽係對外開放之前,居民日常生活用品.
之後就回程返酒店攞車啦. 係回程途中,有幾個日本學生妹叫停我地,仲invite我地去個免費 tea gathering. 咁好嘅,唔通見我地靚仔靚女? 緊係....唔係啦, 其實佢地攪個tea gathering,免費請外國遊客出席,係因為想practice英文. 好似學校入面嘅English Corner咁. 可惜我地要趕住去登別,如果唔係我一定去呀, 識返個日本學生妹都好呀.......
攞哂車啦,係上Expressway之前,想入油,就唸起尋日見到一間油站啲職員好得意,成個入油過程不斷大聲呼喚,又抺埋車,好攪嘢. 加上佢係去Expressway條路上面,嘅然順路,今日一於去試下. 點知...佢地居然同尋日唔同,冇抺車之餘,又冇大聲呼喚,可能見我地係外國人啦,招待完全唔同,真係冇瘾.
去到登別, 一離開Expressway冇耐,就見到好大個,成幾層樓高嘅鬼公仔,經過一段彎彎曲曲嘅山路,就去到我地住嘅溫泉酒店--登別 Mahoroba. 放低行李之後,酒店職員指示我將車泊係旁邊一個露天停車場. 原本冇乜問題,後來發現原本酒店有室內停車場,仲冇乜車,點解唔俾我泊係入面? 不過之後入到房,發現係房見到架車,先順返啲.
放好行李,見仲未到晚餐時間,我地就出去行下,影下嘢.
大約7:00pm, 我地就返酒店準備嘆下期待已久嘅北海道三大蟹自助晚餐. 食物都唔錯,可惜因為間酒店太多國語人,同韓國團,整個餐廳都好嘈雜,拎食物時又唔守規舉,加上揾位坐個陣兩位女團友又受到韓國人嘅唔禮貌嘅對待,所以心情大打折扣.
食完飯,再出去行咗一陣街,
又係溫泉時間. 登別 Mahoroba溫泉酒店自稱有31個不同溫泉,其實係男女,室內,室外溫泉加埋哂先有咁多個. 而男女溫泉每晚都會對調幾個鐘,等所有人都可以試哂咁多個溫泉.
浸完溫泉之後,我地就返房嘆咗啲係小樽買嘅朱古力,然後就訓啦.
沒有留言:
發佈留言