北海道遊記 (四)

6月27日 (富良野, 小樽)

清早起來, 梳洗完畢, 趁其他團友仲係度梳洗之際, 我就出外影下富良野的早晨.

然後再黎大合照.

跟住就食早餐啦. 早餐係包埋係住宿費入面嘅.

食飽就出發啦. 今日我地會去富良野三大景點:富田農場, 彩香之里, 同埋町営薰依草園

由 cottage 出發到富田農場只需5分鐘. 泊好車之後已經見到好大片薰衣草, 再四維望下, 期待中嘅花田就捲入眼簾. 真係美不勝收. 加上天公造美, 今日陽光普照, 同尋日簡直有天壤之別.

影咗一輪,我地就香水之舍參觀同shopping. 之後就見到有名嘅蜜瓜軟雪糕, 我地當然唔會錯過啦.

之後再影再shopping, 最後就去富田農場隔離嘅蜜瓜專門店品嚐富良野蜜瓜. 雖然唔係香港人成日聽到嘅夕張蜜瓜,但係都好好味,好味到耍encore.

食完蜜瓜,休息完之後, 我地亦向彩香之里進發啦. 大約5分鐘左右就到達彩香之里. 可惜呢度嘅花差不多全部未開, 我地逗留咗10分鐘到就去.....

點知町営薰依草園又係一樣乜花都未開, 所以影咗幾張相之後, 大約10分鐘到我地就走啦.

由於之前一日去到中富良野車站已經閂門,拎唔到資料, 我就要係離開中富良野之前去車站拎嘢. 當時只係12:00未到, 車站當然有開,可惜原本中富良野車站係冇資料攞嘅 (可能俾人攞哂啦). 失望之餘,唯有無奈地離開. 順帶一提,係中富良野車站旁邊嘅"花人橋"其實得個名好聽,一啲都唔靚,好殘破.

下一個站係紅酒工房,

只見地下酒庫唔知點解冇開, 我地唯有上樓上免費試飲, 因為我要揸車,所以只係試咗兩少杯. 好在仲有好味嘅提子汁試飲.

買咗一盒兩支酒俾老豆同埋一支紅酒工房自家制提子汁之後, 我地就爭取時間去下一個站:人形工房.

去到人形工房附近,由於已經差不多2:00pm, 大家都有啲餓,所以我地決定食完lunch再去人形工房. 泊好車之後,我地搵唔到原本想去個間餐廳. 於是孚我地就本住"係日本求其一間都好食"嘅奇怪信念,走咗入去車位旁邊一間食店. 我地連食乜都唔知.

入到去有位婆婆招待我地. 婆婆用英文單字同我地講"sabar" "udon", 咁我地就知道呢度係食乜嘢架啦. 我地當然係OK, OK咁啦. Order咗之後,睇真啲,店入面嘅裝修好傳統, 坐得好舒適.

食物亦都好有水準. 所以團友都再confirm"都話係日本求其一間都好食啦".

埋單時候,婆婆同我地傾咗一陣. 當佢知道我地今晚將會揸車去小樽,佢表現得好驚訝, 因為路程遙遠, 成3個鐘頭.仲要得我一個人揸,佢更加覺得驚訝.

告別婆婆之後,我地就去人形工房,點知一去到,入面嘅姐姐就指住門口個告示板話"Closed", 原本是日2:00休息!!! 我地唯有向小樽出發.

係我不斷用over 100km 嘅 speed......ing 之下,未到5:00我地已經到咗小樽. Check-in完之後, 我地就去行一行喇.

小樽因為係海邊,晚上都幾大風幾涷. 我地行到晚飯時間,又涷又餓,又揸唔定主意去邊間食,好在見到熟人...

有熟人介紹,就呢間啦.

呢度食刺身嘅. 食物好味唔在講, 環境亦舒服幽静. 店主同大廚仲同我地問我地邊度黎.

食完晚飯,我地返酒店休息一下, 就出去影夜景啦.